14,8 x 10,4 cm (pregado) / 41,6 x 29,6 cm (despregado)

A Real Academia Galega, en colaboración co Concello da Coruña, quixo rememorar Os Xogos Florais da Coruña de 1861. En plena fervenza romántica e medievalista, reuniuse o mellor da cidadanía coruñesa para exaltar a cultura galega. O evento foi un fito fundacional do Rexurdimento galego do mesmo xeito que os Xogos de Barcelona de 1859. Ambos os acontecementos, sinalan o longo camiño percorrido e os profundos silencios históricos ao tempo que reafirman a fe no futuro da lingua e da cultura propias.
Barro Salgado Santana (Grupo Revisión Deseño) encargouse do guión, escenografía e deseño, onde destaca o logo realizado por Pepe Barro: a Torre de Hércules que ilumina a cidade coas letras. O folleto-cartaz recolle o programa da conmemoración, realizada na Fachada do teatro Rosalía de Castro (A Coruña).