Diario de Galicia foi un xornal galego publicado en Vigo entre 1988 e 1989, dirixido polo xornalista José Antonio Gaciño Barral e deseñado por Pepe Barro, Xosé Díaz e Lía Santana, entón integrantes de Grupo Revisión.
Malia a súa curta traxectoria, tivo unha notable repercusión no panorama da prensa galega e destacou por un uso do galego notoriamente maior que o habitual noutros diarios da época, aínda que mantivo o castelán como idioma maioritario.
O xornal contou coa colaboración de figuras destacadas da cultura galega, como Manolo Rivas (subdirector), Xavier López Rodríguez, Carlos Lema ou Pepe Carreiro.