18,3 x 17,9 cm

A Xunta de Galicia coorganizou, xunto coa Organización Mundial do Turismo, Turgalicia, Turespaña, a Asociación de Balnearios de Galicia e a C.C.R.N. (Comisión de Coordinación da Rexión Norte de Portugal), este Congreso, concebido cun dobre obxectivo: ofrecer unha nova visión do uso dos recursos termais orientados ao turismo —como motor de riqueza e emprego— e explorar novas estratexias de comunicación e comercialización do turismo termal.
Para a ocasión, Barro Salgado Santana (Grupo Revisión Deseño) realizou unha pequena carpeta, cun estampado interior en alusión ao ceo, que contiña o programa do Congreso, así como o boletín de aloxamento, o boletín de inscrición e a folla de comunicacións.