20,5 x 15 cm (pregado) / 40,6 x 30 cm (despregado)

Pepe Barro deseñou este folleto-cartaz, do que se produciron menos de dez exemplares, para que o alcalde puidese presentar o proxecto museográfico da Casa de Rafael Dieste. A iniciativa buscaba abrir ao público as casas de Manuel Antonio, Rafael Dieste e Castelao, xunto co Pazo Martelo e outros espazos ligados a figuras destacadas da vila.
No momento da proposta, a Casa de Manuel Antonio xa estaba inaugurada —coa museografía realizada polo propio Pepe Barro—, mentres que a Casa de Rafael Dieste se atopaba rehabilitada pero requiría financiamento municipal para completar a intervención museográfica.