"Estas pezas forman parte dunha colección de máis de cen cabezas cortadas pola miña man. Saen das caixas e das embalaxes, dos envurullos e dos envases apañados no supermercado e nas tendas veciñas. Velquí os personaxes agachado nas bandexas de iogures, nos pack de olivas, nas caixas de froitas, nos estoxos das garrafas de viño... Desde os andeis do supermercado eles ollan para nós, axexan. Reparade, están todos alí, eu só lles axudo un pouco para que saian".
Texto de Pepe Barro, na edición que conmemora a concesión ao autor do Premio da Cultura Galega en Artes Visuais 2024.