Formato 1: 16,4 x 24,5 cm / Formato 2: 28,6 x 24,3 cm

Coa exposición A Coruña, a cidade na arte o Museo de Belas Artes da Coruña quixo conmemorar o oitavo centenario da obtención do título de cidade. A través dela mostráronse as múltiples miradas que os artistas proxectaron sobre A Coruña nas distintas épocas.
Coa colaboración da Xunta de Galicia, Consellería de Cultura e Deporte, editáronse dous catálogos: A Coruña, a cidade na arte e A Coruña, a cidade na Arte. A Torre de Hércules. Esta última cunha selección de imaxes do faro milenario extraídas dalgunhas das obras que forman parte da mostra, como unha forma de mostrar o seu apoio á candidatura dese momento como Patrimonio da Humanidade.