15 x 10 cm

"Deseñar é pensar. Identifícase con debuxar, que tamén, pero os deseñadores pensamos coas formas, coas cores, coas letras, coas fotos, tamén cos debuxos. E a elección e composición de todo non é van, ten un sentido, conta un relato, comunica a identidade de cada produto, de cada cliente, mesmo de cada proxecto museográfico.
A copa de cristal permítenos catar o recendo e o sabor do viño, aínda que poucas veces reparamos nela, é transparente. Pero o deseño da copa inflúe decisivamente na percepción do viño, como quería Beatrice Warde. Claro que para iso o deseñador debe traballar con denodo, procurando a complicidade co cliente, sabendo que a convicción forma parte da expresión".
Pepe Barro sobre Identidade (texto da contraportada).